მთავარი პროკურორის შერჩევის პროცესი დაიწყო და პირველ ეტაპზე ამ პროცესს იუსტიციის მინისტრი უძღვება, - ამის შესახებ პარლამენტის იურიდიულ საკითხთა კომიტეტის თავმჯდომარე ეკა ბესელიამ ჟურნალისტებს განუცხადა.
მისი თქმით, ძალიან მნიშვნელოვანია ამ კონსულტაციების პროცესი, რომ შეირჩეს ის სამი კანდიდატი, რომელიც საპროკურორო საბჭოს წარედგინება.
"სამი კანდიდატიდან ერთი განსხვავებული სქესის უნდა იყოს. პირველ ეტაპზე ამ სამეულიდან საპროკურორო საბჭო ფარული კენჭისყრით შეარჩევს კანდიდატს. ამის შემდეგ პროცესი გადადის მთავრობის ხელმძღვანელთან და პრემიერი პარლამენტს წარუდგენს ამ კანდიდატს",- განაცხადა ეკა ბესელიამ.
