იაპონიის ვიცე-პრემიერმა და ფინანსთა მინისტრმა ტარო ასომ განაცხადა, რომ იაპონური მხარე აშშ-ის მიერ შემოღებულ სანქციებს ფოლადსა და ალუმინზე "მიუღებელად“ მიჩნევს.
კანადაში დიდი შვიდიანის საფინანსო დეპარტამენტისა და ცენტრალური ბანკების ხელმძღვანელთა შეხვედრაზე მან აღნიშნა, რომ იაპონია "შეისწავლის" მსოფლიო სავაჭრო ორგანიზაციაში აშშ-ის გადაწყვეტილების გასაჩივრების საკითხს, მაგრამ "საბოლოო გადაწყვეტილება არ არის ჯერ მიღებული".
"ქვეყნები, რომლებიც ეწევიან ცალმხრივად შიდა ბაზრის იმპორტისაგან დაცვის პოლიტიკას, ამით არანაირ სარგებელს არ იღებენ“ - ხაზი გაუსვა ტარო ასომ.
