უკრაინის პრეზიდენტმა პეტრო პოროშენკომ დაავალა მთავრობას, შემოიღოს უკრაინული ენის სავალდებულო გამოცდები იმ პირებისთვის, ვისაც სურვილი აქვს ქვეყნის მოქალაქეობაზე. ნათქვამია პრეზიდენტის განკარგულებაში.
მანამდე, პოროშენკომ ხელი მოაწერა განკარგულებას უკრაინული ენის სტატუსის გაძლიერების და ერთიანი უკრაინული კულტურული სივრცის შექმნის შესახებ.
როგორც განკარგულებაშია ნათქვამი, მინისტრთა კაბინეტს დავალებული აქვს ორი თვის ვადაში დაამტკიცოს 2018-2028 წლის სახელმწიფო მიზნობრივი პროგრამა, რომელიც მიზნად ისახავს უკრაინის ენის სრულყოფილად განვითარებას საზოგადოებრივი ცხოვრების ყველა სფეროში, სახელმწიფო სტატუსის გაძლიერებას, ასევე მისი დაცვისა და განვითარების ეფექტური მექანიზმების შემუშავებას.
განკარგულება ძალაში მისი გამოქვეყნების დღიდან შედის.
