ირაკლი შოთაძის მთავარი პროკურორის თანამდებობიდან გადადგომის შემდეგ მის მოვალეობას მამუკა ვასაძე შეასრულებს. ვასაძე შოთაძის მთავარი პროკურორობის პერიოდში შოთაძის პირველი მოადგილე იყო.
კანონმდებლობის თანახმად, სწორედ ის შეასრულებს მთავარი პროკურორის მოვალეობას, ვიდრე პარლამენტი ახალ მთავარ პროკურორს არ დაამტკიცებს.
ცნობისათვის, მთავარი პროკურორის შერჩევის პროცედურები ირაკლი შოთაძისთვის უფლებამოსილების ოფიციალურად შეწყვეტისთანავე დაიწყება.
