სასამართლომ ცალსახად განაცხადა, რომ არ არის ცნობილი, ვინ მოკლა დავით სარალიძემ. არ ვიცით ვინ მიაყენა დავით სარალიძეს სასიკვდილო ჭრილობა, - განაცხადა ხორავას ქუჩაზე მომხდარ მკვლეობაში ერთ-ერთი ბრალდებულის ადვოკატმა ირაკლი ჩომახაშვილმა.
„დაუდგენელია გამოძიებით ვინ მიაყენა დავით სარალიძეს სასიკვდილო ჭრილობები. ეს იყვნენ მთავარი მოწმეები თუ სხვები. გამოძიება არ არის სრულად და ობიექტურად ნაწარმოები. ამიტომ არ ვივი როგორ მოიქცევა შემდგომში პროკურატურა. ფაქტობრივადმ დადგინდა, რომ პროკურატურას არ ჰქონდა სწორი პოზიცია და დადგინდა, რომ ნამდვილი მკვლელები გარეთ არიან. ახლა უნდა გადაწყვიუტოს პროკურატურამ როგორ მოიქცევა. რა ღონისძიებებს გაატარებს იმ გამომძიებლებისა და პროკურორების წინააღმდეგ, რომლებაც გააყალბეს მტკიცებულებები და დამალეს ნამდვილი დამნაშავეები“, - განაცხადა ერთ-ერთი ბრალდებულის ადვოკატმა ირაკლი ჩომახაშვილმა.
ხორავას ქუჩაზე მოკლული ორი მოზარდის საქმეზე სასამართლომ გადაწყვეტილება გამოიტანა. მოსამართლემ ერთი ბრალდებული დავით სარალიძესთან მიმართებაში, ხოლო მეორე ლევან დადუნაშვილთან მიმართებაში გაამართლა. მოსამართლის გადაწყვეტილებით, ერთი ბრალდებული, რომელსაც ბრალი ედებოდა მხოლოდ დავით სარალიძის მკვლელობაში გამართლდა წარდგენილ ბრალდებაში. მეორე მოზარდი, გამართლდა ლევან დადუნაშვილის მკვლელობაში დავით სარალიძის ნაწილში კი მოსამართლემ გადაუკვალიფიცირა ბრალი და მას მსჯავრს დაადებენ განზრახ მკვლელობის მცდელობისთვის.
2017 სლის 1-ელ დეკემბერს ხორავას ქუჩაზე ორი მოზარდი დაჭრეს. ერთი მოზარდი საავადმყოფოში მიყვანამდე გარდაიცვალა, მეორე კი, ექიმების მცდელობისა და რამდენიმე ოპერაციის მიუხედავად, 2 დეკემბერს საავადმყოფოში დაიღუპა. ჯგუფურად ორი მოზარდის მკვლელობაში ორი არასრულწლოვანია ბრალდებული.
