თბილისის ნაწილსა და საქართველოს ზოგიერთ რაიონში ელექტროენერგიის გათიშვის მიზეზად "ენგურჰესის" გათიშვა სახელდება. სსე-ში განმარტავენ, რომ "ენგურჰესი" ავარიულად გაითიშა.
"დღეს, 20 საათზე და 11 წუთზე, ავარიულად გამოირთო ენგურჰესის ჰიდროელექტროსადგური, რამაც გამოიწვია ენერგოსისტემაში ელექტროენერგიის დეფიციტი, რის გამოც ქვეყნის რამდენიმე რეგიონს და თბილისის ნაწილს შეუწყდა ელექტროენერგიის მიწოდება.
სისტემაში არსებული რეზერვების და იმპორტის ხარჯზე, ამ ეტაპზე მიმდინარეობს მოსახლეობის ეტაპობრივი ჩართვა", აღნიშნულია სსე-ს განცხადებაში.
