25 მაისიდან ძალაში შედის ევროკავშირის მიერ შემუშავებული, მონაცემთა დაცვის საერთო რეგლამენტი (GDPR), რომელიც პერსონალური მონაცემების კიდევ უფრო მეტ დაცულობაზეა ორიენტირებული. რეგულაცია შეეხება ყველა იმ ორგანიზაციას, რომელიც ევროკავშირის მოქალაქეებს უწევს მომსახურებას.
ახალი რეგულაცია კომპანიების მიერ მოქალაქეების შესახებ არსებული ინფორმაციის გამოყენებისა და დაცვის ახალ წესებს განსაზღვრავს.
ახალი რეგულაციის თანახმად, სოლიდური იქნება წესების დარღვევისთვის გათვალისწინებული ჯარიმებიც. მაგალითად, GDPR-ის მოთხოვნების დარღვევის შემთხვევაში, კომპანიას ჯარიმის სახით, 20 მლნ ევროს, ან წლიური შემოსავლის 4%-ის გადახდა მოუწევს.
