რომან აბრამოვიჩი ისრაელში გაემგზავრება, რათა ისრაელის მოქალაქეობის მიღების პროცედურა დაიწყოს. ებრაული გაზეთის ინფორმაციით, ამ ნაბიჯზე ის მას შემდეგ წავიდა, რაც დიდმა ბრიტანეთმა უარი უთხრა ვიზის გაგრძელებაზე. ამ დროისთვის ბიზნესმენი თელ-ავივის პრესტიჟულ უბანში საცხოვრებელ სასახლეს აშენებს.
ისრაელის ინტეგრაციის სამინისტრო არ ავრცელებს ინფორმაციას აბრამოვიჩის ქვეყანაში ჩასვლასთან დაკავშირებით.
„რომან აბრამოვიჩი არ იმყოფება ისრაელის ტერიტორიაზე“ -განაცხადა სამინისტროს პრეს-სამსახურმა.
მანამდე ცნობილი გახდა, რომ დიდი ბრიტანეთის ხელისუფლებამ არ გაუგრძელა აბრამოვიჩს ინვესტორის ვიზა, რომელიც სამი კვირის წინ ამოეწურა. დიდი ბრიტანეთის საგარეო საქმეთა სამინისტრო კომენტარისგან თავს იკავებს.
