დღეიდან, რუსულმა ავიაკომპანია Ural Airlines-მა კრასნოდარიდან თბილისის მიმართულებით პირდაპირი ავიარეისების განხორციელება დაიწყო. აღნიშნულ მიმართულებაზე ავიაკომპანია ოპერირებას ზაფხულის სანავიგაციო პერიოდის ბოლომდე განახორციელებს.
Ural Airlines-ის ინფორმაციითვე, კრასნოდარი-თბილისის მიმართულებით ავიაბილეთის ღირებულება 64 ევროდან (ერთი გზა) იწყება. რეისები ყოველ ხუთშაბათსა და კვირაობით განხორციელდება და ფრენა კრასნოდარის აეროპორტიდან ადგილობრივი დროით 06.55 საათზე განხორციელდება, ხოლო თბილისის საერთაშორისო აეროპორტიდან კი 10.05 საათზე (ადგილობრივი დროით).
აღნიშნულ მარშრუტზე ფრენის ხანგრძლივობა 1 საათი და 25 წუთია.
