2018 წლის რესპუბლიკური ბიუჯეტის შემოსავლები 2018 წლის დამტკიცებულ საპროგნოზო მაჩვენებელთან შედარებით 182 600 000 ლარით იზრდება და ის 240 182 600 ლარს შეადგენს.
2018 წლის რესპუბლიკური ბიუჯეტის შესახებ აჭარის ა.რ კანონში შესატანი ცვლილებების ანგარიში დღეს უმაღლესი საბჭოს კომისიებში აჭარის ფინანსთა და ეკონომიკის მინისტრმა რამაზ ბოლქვაძემ წარადგინა.
მინისტრმა საბიუჯეტო პარამეტრების გაზრდილ საპროგნოზო მაჩვენებლებზე ისაუბრა და აქცენტი შემოსავლების ზრდაზე გააკეთა. რამაზ ბოლქვაძემ აღნიშნა, რომ რესპუბლიკური ბიუჯეტის შემოსავლები 2018 წლის დამტკიცებულ საპროგნოზო
მაჩვენებელთან შედარებით 182 600 000 ლარით იზრდება და ის 240 182 600 ლარს შეადგენს.
რესპუბლიკური ბიუჯეტის შემოსულობების საპროგნოზო მაჩვენებელი 20 521 500 ლარით იზრდება და ის 375 521 500 ლარს შეადგენს.
სხვა შემოსავლების საპროგნოზო მაჩვენებელი 182 600 000 ლარით იზრდება და წლიური საპროგნოზო მაჩვენებელი 15 182 600 ლარს შეადგენს
არაფინანსური აქტივების კლების საპროგნოზო მაჩვენებელი 7 483 800 ლარით იზრდება და წლიური საპროგნოზო მოცულობა 27 483 800 ათასი ლარს შეადგენს. კერძოდ, ძირითადი აქტივების გაყიდვიდან შემოსულობის საპროგნოზო მაჩვენებელი 3 000 000 ლარით იზრდება და ის 9 500 000 ლარს შეადგენს.
ბიუჯეტის ახალი პროექტის მიხედვით რესპუბლიკური ბიუჯეტის გადასახდელების საპროგნოზო მაჩვენებელი ჯამში 20 521 500 ათასი ლარით იზრდება და ის 375 521 500 ლარს შეადგენს.
რესპუბლიკური ბიუჯეტის გადასახდელების საპროგნოზო მოცულობა 49 141 900 ათასი ლარით იზრდება:
აჭარის ავტონომიური რესპუბლიკის უმაღლესი საბჭოს ასიგნება - 200,0 ათასი ლარი. გარემოს დაცვისა და ბუნებრივი რესურსების სამმართველო - 278,7 ათასი ლარი.
აჭარის ტურიზმისა და კურორტების დეპარტამენტი - 53,8 ათასი ლარით. ადგილობრივი მნიშვნელობის საავტომობილო გზებისა და სამელიორაციო სისტემების მართვის დეპარტამენტის ასიგნება - 5 502,0 ათასი ლარი (მათ შორის გზების რეაბილიტაცია - 3 904,5 ათასი ლარით, ხელოვნური ნაგებობების მშენებლობა-რეაბი¬ლი¬ტაცია - 1 537,6 ათასი ლარით)
აჭარის ავტონომიური რესპუბლიკის საარქივო სამ¬მართ¬ველო - 91,8 ათასი ლარი. აჭარის ავტონომიური რესპუბლიკის ფინანსთა და ეკონ¬ომიკის სამინისტროს ასიგნება - 4 441,0 ათასი ლარი. (მათ შორის აჭარის მაღალმთიანი რეგიონის გაზიფიცირების პირველი ეტაპისათვის ბათუმი-ქედა-ხიჭაურის დასახლების საშუალოწნევიანი გაზსადენის მშენებლობის დასრულებისა და მეორე ეტაპისათვის ქედა (ხიჭაურის დასახლება) - გოდერძის უღელტეხილის მონაკვეთზე (აჭარის ა.რ ადმინისტრაციულ საზღვრამდე) საშუალოწნევიანი გაზსადენის მშენებლობის სამშენებლო დოკუმენტის პროექტის შესყიდვა, შემდგომში მშენებლობის დაგეგმვისა და განხორციელებისათვის 3 578,4 ათასი ლარი, პროექტის პირველი ეტაპი დასრულდება 2019 წლის ნაცვლად 2018 წელს).
აჭარის ავტონომიური რესპუბლიკის განათლების, კულტურისა და სპორტის სამინისტროს ასიგნება - 9 554,9 ათასი ლარი (მათ შორის საჯარო სკოლების ინფრასტრუქტურის გაუმჯობესებისათვის 5 286,2 ათასი ლარი, კულტურული მემკვიდრეობის შენარჩუნება და განვითარება - 628,3 ათასი ლარი).
აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს ასიგნება - 1 236,2 ათასი ლარი (მათ შორის ჯანმრთელობის დაცვის პროგრამები - 850,0 ათასი ლარით, სოციალური პროგრამები - 46,1 ათასი ლარით, საზოგადოებრივი ჯანდაცვის ცენტრის მიერ დამატებითი კომპონენტის ფარგლებში რეგიონის მოსახლეობაში ტუბერკულოზის შემთხვევების გამოვლენის გაძლიერებისა და ტუბერკულოზის საწინააღმდეგო მკურნალობაზე მყოფ პაციენტთა გამოსავლების გაუმჯობესების მიზნით - 89,2 ათასი ლარით)
სოფლის მეურნეობის სამინისტროს ასიგნება - 3 618,7 ათასი ლარი (მათ შორის ა(ა)იპ აგროპროექტების მართვის ცენტრის ქვეპროგრამა „სოფლის მეურნეობის მექანიზაციის ტექნიკური საშუალებებით ფერმერთა და აგრომეწარმეთა უზრუნველყოფის ხელშეწყობა“ - 2 625,2 ათასი ლარით.
საერთო რესპუბლიკური მნიშვნელობის ასიგნება - 24 164,8 ათასი ლარი (ადგილობრივ თვითმმართველ ერთეულებზე გადასაცემი კაპიტალური და სპეციალური ფინანსური დახმარება - 13 690,3 ათასი ლარი.
ხულოს მუნიციპალიტეტში, კურორტ გოდერძზე, ფიზიკურ პირთათვის მიწის ნაკვეთების სანაცვლოდ კომპენსაციების გაცემა - 1 674,5 ათასი ლარი.
