იაპონური ელექტროტექნიკური გიგანტი Sony Corp-ი ბრიტანულ EMI Music Publishing-ს ყიდულობს, რომელიც თავის მხრივ ფლობს, ან მართავს 2 მლნ მუსიკალურ კომპოზიციას, მათ შორის ლეგენდარული Queen-ის, მომღერალ Alicia Keys-სა და P!nk-ის ნამუშევრებს.
როგორც ირკვევა, Sony Corp-ი EMI Music Publishing-ში საკუთარ წილს 90%-მდე გაზრდის, რასაც არაბული ფონდის Mubadala Investment-ის დახმარებით გააკეთებს. დარჩენილი 10%-ის მფლობელი ისევ მაიკლ ჯექსონის მემკვიდრეების ფონდის კუთვნილება იქნება.
გარიგების ღირებულება 1,9 მლრდ დოლარს შეადგენს.
გარიგების დასრულების შემდეგ Sony Corp-ი შემოსავლის მნიშვნელოვან ზრდას ელოდება.
მიმდინარე ფინანსურ წელს Sony Corp-ი მუსიკალური ბიზნესიდან დაახლოებით 1 მლრდ დოლარიან შემოსავალს ვარაუდობს, ხოლო 2020 ფინანსური წლისთვის კი შემოსავლების 1,2 მლრდ დოლარამდე ზრდა აქვს გადაწყვეტილი.
