ვენესუელას მოქმედმა პრეზიდენტმა ნიკოლას მადურომ საპრეზიდენტო არჩევნებში კვლავ გაიმარჯვა. მან ამომრჩეველთა ხმის დაახლოებით 68 პროცენტი მიიღო.
არჩევნებში ასევე მონაწილეობდნენ - ოპოზიციონერი ენრი ფალკონი, ინჟინერი რეინალდო კიჰადა და ყოფილი პასტორი ჰავიერ ბერტუჩი.
ბიულეტენების 92%-ის დათვლის შედეგად, მადურომ მიიღო 5 823 718 ხმა, ფალკონმა - 1 820 552, ბერტუჩმ - 925 ათასი, ხოლო კიჰადამ 34.6 ათასი ხმა. წინასწარი მონაცემებით, ამომრჩეველთა აქტივობამ 46.01% შეადგინა.
ეროვნული საარჩევნო საბჭოს ხელმძღვანელმა აღნიშნა, რომ არჩევნების შედეგები „შეუქცევადი“ ხასიათისაა. რაც იმას ნიშნავს, რომ მადურო დარჩება პრეზიდენტის თანამდებობაზე 2025 წლამდე.
ქვეყნის შინაგან საქმეთა მინისტრმა განაცხადა, რომ არჩევნები ინცინდენტების გარეშე ჩატარდა.
"საბედნიეროდ არ დაფიქსირებულა არანაირი დარღვევა. იყო გარკვეული ფაქტები, თუმცა ეს არ უკავშირდებოდა უშუალოდ არჩევნების ჩატარების პროცესს" - განაცხადა მინისტრმა ტელეეთერით გამოსვლისას.
