გერმანიის მემარჯვენეებმა მიგრაციის პოლიტიკის გამო ანგელა მერკელის წინააღმდეგ სარჩელი შეიტანეს.
გერმანულმა მემარჯვენე პარტიამ "ალტერნატივა გერმანიისთვის" საჩივარი შეიტანა საკონსტიტუციო სასამართლოში, გერმანიის კანცლერის ანგელა მერკელის წინააღმდეგ, მის მიერ გატარებულ მიგრაციულ პოლიტიკასთან დაკავშირებით. წერს გაზეთი Zeit პარტიის იურისტის შტეფან ბრანდნერზე დაყრდნობით.
მისი თქმით, ბუნდესტაგში ფრაქციის ინიციატივით, რომელიც მერკელის მიგრაციული პოლიტიკის წინააღმდეგ გამოდის, 14 აპრილს იქნა შეტანილი საჩივარი, ქალაქ კარლსრუეს საკონსტიტუციო სასამართლოში.
საჩივარში ნათქვამია, რომ მიგრაციული პოლიტიკის განვითარებისას ხელისუფლებამ დაარღვია უფლება ბუნდესტაგის მონაწილეობისა ამ საკითხების გადაწყვეტილებებში. შესაბამისად აუცილებელია გადამოწმდეს მერკელის გადაწყვეტილება - ავსტრიიდან გერმანიაში ლტოლვილებისთვის საზღვრის გახსნასთან დაკავშირებით, რომელიც მიიღეს 2015 წლის სექტემბერში.
"ამ საჩივარს შეუძლია შეცვალოს მსოფლიო. და ის მას შეცვლის, თუკი ეს მიგვიყვანს სასურველ შედეგამდე“ - განაცხადა ბრანდერმა. მან დასძინა, რომ მაშინ მერკელი იძულებული გახდება უმოკლეს ვადაში დატოვოს თანამდებობა.
2015 წლის გერმანიის შინაგან საქმეთა სამინისტროს მონაცემებით, 900 ათასამდე ლტოლვილი და მიგრანტი შემოვიდა, რამაც მოახდინა ქვეყანაში მემარჯვენეთა ზრდის პროვოპცირება. გერმანიის კონსერვატიული ალიანსის ლიდერებმა, ანგელა მერკელმა და ჰორსტ ზეეხოფერმა ერთობლივ ბრიფინგზე ოქტომბრის დასაწყისში განაცხადეს მოლაპარაკების მიღწევების შესახებ.
მიგრაციული პოლიტიკა იყო ერთ-ერთი საკამათო საკითხი, ახალი გერმანული ხელისუფლების ფორმირების საკითხის მოლაპააკებისას და ასევე 2017 წლის 24 სექტემბრის ბუნდესტაგის არჩევნებში.
მანამდე საუბარი იყო რომ პარტია „ალტერნატივა გერმანიისთვის“ იმ შემთხვევაში, თუკი ის გავიდოდა ბუნდესტაგის არჩევნებში, აპირებს შექმნას საგამოძიებო კომისია - "ღია კარის პოლიტიკა“ ანგელა მერკელის წინააღმდეგ.
