ფაქტობრივად, მოწმემ გაიმეორა ყველაფერი ის, რაც გამოძიების ეტაპზე ისაუბრა. მისმა დაკითხვამ სიმართლე გითხრათ, უფრო მეტი კითხვები გააჩინა. არათანმიმდევრულია, თითქმის, დაზეპირებული აქვს ჩვენებები და ფაქტობრივად, არც კი აცლის პროკურორს კითხვის დასრულების შესაძლებლობას. კონკრეტულად რა თქვა, ვერ გეტყვით, ვინაიდან პროცესი არის დახურული, თუმცა, შემიძლია გითხრათ, რომ რაც მანამდე ჰქონდა გაჟღერებული, იმაზე მეტი არაფერი უთქვამს. ჩემი დაცვის ქვეშ მყოფ პირთან აღნიშნულ მოწმეს არავითარი კავშირი არ აქვს - განაცხადა ჟურნალისტებთან, ნარკორეალიზაციაში ერთ-ერთი ბრალდებულის ადვოკატმა, ნინო ლალიაშვილმა.
როგორც ის განმარტავს, აღნიშნული მოწმის დაკითხვის აუცილებლობა ვერ დაინახა.
„ამ პირზე დამატებითი ინფორმაცია არაფერი არ ვიცი. ერთი რაც დაადასტურა, არის ის, რომ არაა საგამოძიებო უწყების თანამშრომელი და არის კერძო პირი, მშრომელი კაცი, როგორც თვითონ განსაზღვრა. დღეს დაკითხვის აუცილებლობა ვერ განმარტა პროკურატურამ. მათ აქვთ საკმარისი ბერკეტები, რათა სხვა დროს დაეკითხათ მოწმე. დღეს დაკიხთვა იმას ნიშნავს, რომ არსებით განხილვაზე ის აღარ დაიკითხება. თვითონ განმარტა რომ მიდის საშრომად საზღვარგარეთ, თუმცა ქვეყანა არ დაუსახელებია“, - განცხადა ლალიაშვილმა.
ნარკოტიკების რეალიზაციის საქმეზე დღეს თბილისის საქალაქო სასამართლოში მთავარი მოწმე დაიკითხა.
ცნობისთვის, 12 მაისს, კლუბებში, „ბასიანსა“ და „გალერიში“ საგამოძიებო მოქმედბები ჩატარდა. დაკავებულია 8 პირი.
