შემოსავლების დადასტურების გარეშე საბანკო განვადებების შემცირების მოლოდინი ქვეყნის მთავარ ბანკირსაც აქვს, თუმცა საშუალო და გრძელვადიან პერიოდებში, კობა გვენეტაძე მხოლოდ პოზიტიურ გავლენას ელის.
დროებითი წესს, რომელიც ახალი რეგულაციების ამოქმედებამდეა ძალაში და, რომელიც შემოსავლების გააანალიზების გარეშე სესხების გაცემის შეზღუდვას გულისხმობს, სებ-ის პრეზიდენტი „აბსოლუტურად ჯანმრთელ პრინციპს“ უწოდებს. მიზანი საფინანსო სექტორის ისედაც ჯანსაღი პორტფელის კიდევ უფრო გაჯანსაღებაა.
„სესხის გაცემა უნდა მოხდეს მხოლოდ იმ შემთხვევაში, როდესაც მსესხებლის ქონების შეფასება მოხდება. ვფიქრობ, რომ ეს აუცილებლად იქნება საფუძველი იმის, რომ საბანკო სისტემის და ზოგადად, ფინანსური ინსტიტუტების პორტფელი, რომელიც ახლაც კარგია, კიდევ უფრო გაჯანსაღდება. რაც შეეხება გავლენას, მოკლევადიან პერიოდში ამას შეიძლება გავლენა ჰქონდეს, გრძელვადიან და საშუალოვადიან პერიოდში კი, მას აუცილებლად დადებითი შედეგი ექნება“, - ამბობს გვენეტაძე.
