უკრაინის პრეზიდენტმა, პეტრო პოროშენკომ აამოქმედა უკრაინის ეროვნული უშიშროებისა და თავდაცვის საბჭოს გადაწყვეტილება, რუსეთის წინააღმდეგ პერსონალური სანქციების შემოღებასთან დაკავშირებით, რუსეთის იურიდიული და ფიზიკური პირების მიმართ.
ამის შესახებ სახელმწიფო მეთაურის 14 მაისის ბრძანებაშია ნათქვამი, რომელიც პრეზიდენტის ადმინისტრაციის ვებგვერდზე გამოქვეყნდა.
„შევიდეს ძალაში 2018 წლის 2 მაისის უკრაინის ეროვნული უშიშროებისა და თავდაცვის საბჭოს გადაწყვეტიელბა - „პირადი სპეციალური ეკონომიკური და სხვა შემაკავებელი ღონისძიებების გამოყენების და გაუქმების შესახებ“.
გადაწყვეტილება ძალაში შედის გამოქვეყნების დღიდან. თუმცა, იმ ადამიანებისა და კომპანიების სია, რომელთა მიმართაც გატარდა სანქციები ჯერ არ გამოქვეყნებულა.
