ბათუმის საქალაქო სასამართლოში, ''ლეოგრანდის'' საქმეზე წინასასამართლო სხდომა მიმდინარეობს. დღეს სასამართლო მტიცებულებების დასაშვებობის საკითხზე იმსჯელებს.

დღევანდელ სხდომაზე დაკავებულების ადვოკატები აღკვეთი ღონისძიების შეცვლის შუამგდომლობასაც დააყენებენ.

ცნობისთვის, ბათუმში, სასტუმრო „ლეოგრანდში“ ხანძარი  24 ნოემბერს, დაახლოებით, 22:00 საათზე გაჩნდა.  

 ხანძრის შედეგად 11 ადამიანი დაიღუპა, მათგან საქართველოს 10 და ირანის ერთი მოქალაქე. დაშავდა 21 ადამიანი, მათგან ერთი ისრაელის მოქალაქეა, 5 კი - თურქეთის.

 შინაგან საქმეთა სამინისტროს აჭარის პოლიციის დეპარტამენტის თანამშრომლებმა, ოთხთვიანი გამოძიების შედეგად, სასამართლოს განჩინების საფუძველზე, სასტუმრო „ლეოგრანდში“ სახანძრო უსაფრთხოების წესების დარღვევის ფაქტზე, ბათუმში, აღნიშნულ სასტუმროში მენეჯერულ პოზიციაზე მომუშავე 2 პირი: თურქეთის რესპუბლიკის მოქალაქე, 1979 წელს დაბადებული ფ.ი. და საქართველოს მოქალაქე, 1978 წელს დაბადებული გ.მ. დააკავეს. 

მათ მიერ ჩადენილი დანაშაული 5-დან 8-წლამდე ვადით თავისუფლების აღკვეთას ითვალისწინებს.