ჩრდილოეთ კორეამ აშშ-ს სამიტის გაუქმებისკენ მოუწოდა, თუკი ამერიკის პრეზიდენტი, დონალ ტრამპი გააგრძელებს მტკიცებას, რომ ფხენიანმა უარი უნდა თქვას ატომურ იარაღზე. წერს BBC.
ოფიციალურმა ჩრდილოეთ კორეულმა სააგენტომ გამოაქვეყნა, ჩრდილოეთ კორეის საგარეო საქმეთა მინისტრის მოადგილის განცხადება, სადაც ნათქვამია, რომ "თუკი აშშ გვერეკება ჩვენ კუთხეში და ცალმხრივად მოითხოვს, რომ ჩვენ უარი ვთქვათ ბირთვულ იარაღზე, მაშინ აღარ დავინტერესდებით ამ მოლაპარაკებებით და იძულებული ვიქნებით გადავხედოთ ჩვენს თანხმობას მოახლოებული სამიტის თაობაზე აშშ-ის და ჩრდილოეთ კორეას შორის".
ჩრდილოეთ კორეას "ჰქონდა დიდი იმედები, რომ ეს სამიტი გამოიწვევდა სიტუაციის დარეგულირებას კორეის ნახევარკუნძულზე და იქნებოდა დიდი ნაბიჯი მომავლისთვის“, ნათქვამია განცხადებაში, თუმცა „ძალზე სამწუხაროა, რომ მოახლოებული სამიტის დროს აშშ ახდენს პროვოცირებას თავისი აბსურდული განცხადებებით".
ცნობისთვის, სამიტი აშშ-ის და ჩრდილოეთ კორეის პრეზიდენტებს შორის 12 ივნისს სინგაპურში უნდა გამართულიყო.
"ორივე მხარე შევეცდებით ვაქციოთ ეს განსაკუთრებულ მომენტად მსოფლიოსთვის“ - წერდა თავის "Twitter"- ზე დონალდ ტრამპი.
სამხრეთ კორეის BBC-ის კორესპონდენტის სიტყვებით, ფხენიანი ეჭქვეშ აყენებს ტრამპთან შეხვედრის აუცილებლობას, თუმცა სამიტს ჯერჯერობით არ აუქმებს.
