გაეროს უშიშროების საბჭომ სხდომა წუთიერი დუმილით დაიწყო, რათა პატივი მიეგოთ ღაზას სექტროში დაღუპულებისთვის.
წუთიერი დუმილით პატივის მიგების წინადადება გამოაცხადა პოლონეთმა, რომელიც გაეროს უშიშროების საბჭოს თავმჯდომარეა.
"მინდა წუთიერი დუმილით პატივი მივაგით იმ დაღუპულებს, ვინც გუშინ დაპირისპირებას შეეწირა. ასევე ყველა პალესტინელს, ებრაელს და სხვა დაღუპულთა სულებს, ვინც ამ კონფლიქტის შედეგად გარდაიცვალა, რომელიც დიდი ხანია უკვე გრძელდება“ - განაცხადა პოლონეთის წარმომადგენელმა.
ცნობისთვის, ღაზას სექტორში საპროტესტო აქციები ორშაბათს გაიმართა, რომელიც უკავშირდებოდა აშშ-ს საელჩოს თელ-ავივიდან იერუსალიმში გადატანის ცერემონიალს. შეტაკების შედეგად გარდაიცვალა 61 ადამიანი, ხოლო დაშავებულთა რიცხვმა 2 700 მიაღწია.
