ანკარამ შესთავაზა თურქეთში ისრაელის ელჩს, ეითან ნაეს, დატოვოს ქვეყანა, "გარკვეული დროით". ამის შესახებ განცხადება ქვეყნის საგარეო საქმეთა მინისტრმა ჟურნალისტებთან გააკეთა.
"თურქეთის საგარეო საქმეთა სამინისტრომ დაუდგინა ისრაელის ელჩს დატოვოს ქვეყანა „გარკვეული დროით, რაც უკავშირდება ათობით პალესტინელი მომიტინგის სიკვდილს ღაზას სექტორში" - ნათქვამია განცხადებაში.
მანამდე თურქული გაზეთი წერდა, რომ ეითან ნაემ თურქეთის საგარეო პოლიტიკის დეპარტამენტის წარმომადგენლებთან საუბრისას, გამოიყენა სიტყვა „მკვლელები“, იმ პალესტინელების მისამართით, რომლებიც იყვნენ ღაზას სექტორში არეულობის მონაწილეები.
ცნობისთვის, ღაზას სექტორში საპროტესტო აქციები ორშაბათს გაიმართა, რომელიც უკავშირდებოდა აშშ-ს საელჩოს თელ-ავივიდან იერუსალიმში გადატანის ცერემონიალს. შეტაკების შედეგად გარდაიცვალა 61 ადამიანი, ხოლო დაშავებულთა რიცხვმა 2 700 მიაღწია. ისრაელის ძალოვანები აცხადებენ, რომ არეულობის 35 ათასზე მეტი მონაწილე დაითვალეს, ღაზას სექტორის საზღვრის 12 ნაწილში. ისინი ისროდნენ მოლოტოვის კოქტეილებს, წვავდნენ საბურავებს და ცდილობდნენ მოერღვიათ საზღვრის დამცავი ზოლი. სამხედროებმა მათ საპასუხოდ ცეცხლი გახსნეს. პალესტინის ლიდერმა მაჰმუდ აბასმა სამდღიანი გლოვის დღე გამოაცხადა.
