აჭარის ფინანსთა და ეკონომიკის მინისტრმა რამაზ ბოლქვაძემ ბრანდენბურგის ლანდტაგის (რეგიონული პარლამენტი) ოფიციალურ დელეგაციასთან შეხვედრა გამართა.
მინისტრმა სტუმრებს აჭარის ა.რ ეკონომიკური პროცესები და საინვესტიციო გარემო გააცნო.
შეხვედრაზე რამაზ ბოლქვაძემ აჭარაში მიმდინარე და დაგეგმილ ინფრასტრუქტურულ პროექტებზე ისაუბრა.
დელეგაციის წარმომადგენლები აჭარის ავტონომიური რესპუბლიკის ბიუჯეტის ფორმირების საკითხებითა და ასევე საინვესტიციო პოტენციალით დაინტერესდნენ.
ბრანდერბურგის დელეგაციის შემადგენლობაში არიან: ლანდტაგის პრეზიდენტი - ბრიტა შტარკი (დელეგაციის ხელმძღვანელი), ვიცე-პრეზიდენტი დიტერ დომბროვსკი, ლანდტაგში შემავალი პოლიტიკური პარტიებისა და ფრაქციების წარმომადგენლები, „ბრანდენბურგ-საქართველოს ურთიერთობის საზოგადოების“ ხელმძღვანელი პავლე შპეტიშვილი.
გერმანელი სტუმრების ვიზიტი აჭარაში 17 მაისამდე გაგრძელდება.
