სამხრეთ აფრიკა იწვევს საკუთარ ელჩს ისრაელიდან, ღაზას სექტორშ მიმდინარე პროცესების გამო. ამის შესახებ ინფორმაციას გაზეთი The Citizen, სამხრეთ აფრიკის საგარეო საქმეთა სამინისტროს პრეს-სამსახურის განცხადებაზე დაყრდნობით ავრცელებს.
სამინისტრო აცხადებს, რომ მისი ქვეყნის ელჩი ისრაელში, სის ნგომბანე ისრაელის ტერიტორიას უახლოეს საათებში დატოვებს.
ცნობისთვის, შეტაკება მოხდა ღაზას სექტორში, სადაც დემონსტრანტები იერუსალიმში აშშ-ს საელჩოს გახსნას აპროტესტებდნენ. შეტაკების შედეგად გარდაცვლილია სულ მცირე 50 ადამიანი და დაშავვებულია რამდენიმე ათასი.
