ბათუმი ტურისტული სეზონისთვის ემზადება. ამ მიზნით ბათუმის მერმა სამუშაო შეხვედრა გამართა, სადაც ტურისტული სეზონის გახსნასთან დაკავშირებული საკითხები მიმოიხილა, რომელსაც მერიის სტრუქტურული ერთეულებისა და ორგანიზაციების ხელმძღვანელები ესწრებოდნენ.
გამწვანებისა და ლანდშაფტური დაგეგმარების სამსახური:
ტურისტული სეზონის დაწყებამდე ქალაქის ტერიტორიაზე ნახევარი მილიონი ყვავილი და 3000 ხე-მცენარე დაირგვება.
პარალელურად რეაბილიტირებულ ქუჩებზე ჩატარდება გამწვანების სამუშაოები.
ტურისტული სეზონისთვის მზადყოფნაშია შპს "სანდასუფთავება“ :
ცენტრალური ქუჩების მორწყვა დღეში 2-ჯერ, ცხელ ამინდში კი ყოველდღიურ რეჟიმში განხორციელდება.
ნაგავშემკრები კონტეინერების დაიცლება დღეში 4-ჯერ, გამოძახების შემთხვევაში კი იმუშავებს მორეგე მანქანა.
პლაჟების დასუფთავების მიზნით იქმნება დამატებითი ბრიგადები, დაემატება 50 ადამიანი.
ძველი კონტეინერები ჩანაცვლდება 1000 ერთეული ახალი კონტეინერით.
დაიწყო მიმდინარე ინფრასტრუქტურული სამუშაოების ადგილზე მორწყვითი ღონისძიებები.
დეზინსექცია - დერატიზაციის ღონისძიებები განხორციელდება 30 ოქტომბრის ჩათვლით.
დაიწყო ქვეწარმავლების საწინააღმდეგო შეწამვლის ღონისძიებები, რომელიც მოქალაქეთა მომართვის საფუძველზე განხორციელდება (ცხელი ხაზის ნომერი: 0422 272606).
ბათუმის ავტოტრანსპორტი:
მიმდინარეობს მუნიციპალურ ავტობუსებში კონდიციონერების რეაბილიტაცია.
იგეგმება ავტობუსების მოძრაობის გრაფის გადაწევა.
ხორციელდება ველოტერმინალებისა და ველოსიპედების რეაბილიტაცია.
მუნიციპალურ ავტობუსებში უკვე შეიცვალა 800 ერთეული სკამი, შეიღება 45 ერთეული ავტობუსი და წესრიგდეგბა ავტობუსის იატაკები.
ბათუმის დელფინარიუმში:
ივლისის თვეში გაიზრდება შოუების რაოდენობა, ყოველდღურად გაიმართება ორი შოუ (ორშაბათის გარდა), ხოლო ივლისის ბოლოდან სექტემბრამდე ყოველდღურად სამი შოუ ჩატარდება.
ტურისტული სეზონის დაწყებამდე ჩატარდა დელფინარიუმის შენობის ფასადისა და სცენის კოსმეტიკური და სარეაბილიტაციო სამუშაოები.
უკვე მოქმედებს ბილეთების ონლაინ გაყიდვების პროგრამა.
http://tickets.dolphinarium.ge/?lang=ka
ბოტანიკური ბაღი:
ჩაქვის შესასვლელის მიმდებარედ აშენდა ორდონიანი ავტოსადგომი, რომელიც 70 მსუბუქ ავტომობილსა და 5 ავტობუსზეა გათვლილი.
მიმდინარეობს 20 ავტომობილზე გათვლილი ავტოსადგომისა და ვიზიტორთა ცენტრის მშენებლობა.
დაიწყო მუდმივმოყვავილე სკვერის მშენებლობა, რომელიც თვის ბოლოს დასრულდება.
მიმდინარეობს ელექტრო გადამცემი ხაზების მიწისქვეშ გადატანა, პარალელურად, დაიწყება ახალი განათების სისტემის მოწყობა.
მიმდინარეობს მოსამზადებელი სამუშაოები ახალი სივრცის მოსაწყობად - მოსასვენებელი ადგილი ვიზიტორებისთვის.
შეძენილ იქნა 5 ელექტრომობილი.
დაგეგმილია ნეკერჩხლების პარტერის რეკონსტრუქცია-რეაბილიტაცია.
მიმდინარეობს მეფუტკრის სახლის მშენებლობა, საბავშვო კუთხის მოწყობა და ალპური ბაღის ტერიტორიაზე გზებისა და ბილიკების რეაბილიტაცია.
სასწრაფო სამედიცინო დახმარების ცენტრი:
20 ივნისიდან 20 სექტემბრის ჩათვლით განხორციელდება სამი სამედიცინო ბრიგადის დამატება. ბრიგადები 24 საათიან რეჟიმში, 10:00-დან 22:00 საათამდე განთავსდებიან დემეტრე თავდადებულის ქუჩაზე, გონიო-კვარიათსა და ბულვარის ტერიტორიაზე.
დემეტრე თავდადებულის ქუჩის დასაწყისში, განთავსდება მოძრავი ამბულატორია, სადაც მოხდება ადგილზე მისული ნებისმიერი პაციენტისთვის პირველადი სამედიცინო მომსახურების გაწევა.
ცენტრის ბრიგადების ლოკაცია შემდეგნაირია:
9 ერთეული - პუშკინის ქ. #154
3 ერთული - ფრიდონ ხალვაშის ჩიხი #7
1 ერთეული - ბენზეს დასახლება
1 ერთეული - დაბა მახინჯაური
1 ერთეული - გონიო-კვარიათის ტერიტორია
1 ერთეული - ბათუმის ბულვარის ტერიტორია.
გაძლიერდა მაწანწალა ცხოველების მონიტორინგი. ტენდერში გამარჯვებულ კომპანიას დაევლა ინტენსიური მონიტორინგის უზრუნველყოფა და საზოგადოებრივი თავშეყრის ადგილების გათავისუფლება ჯგუფურად მოძრავი მაწანწალა ცხოველებისგან.
სასტუმრობის სანიტარიულ-ჰიგიენური მიმართულებით დაიწყო საცურაო აუზების წყლისა და სისუფთავის ხარისხის შემოწმება.
ტურისტულ სეზონთან დაკავშირებით, ქალაქში მიწისქვეშა კომუნიკაციების მოწყობის მიზნით ქუჩების გადათხრაზე ნებართვები აღარ გაიცემა 25 მაისიდან 1 ოქტომბრის ჩათვლით.
უკანონო გარე ვაჭრობის აღკვეთის მიზნით, გაფრთხილება მიიღო ყველა გარემოვაჭრემ. მიმდინარე კვირას დაიწყება შესაბამისი ღონისძიებების გატარება.
ინფრასტრუქტურულ პროექტები აქტიურად მიმდინარეობს და ზაფხულის პერიოდშიც შეუფერხებლად გაგრძელდება. ბათუმის მერია ბოდიშს უხდის მოსახლეობას სარეაბილიტაციო სამუშაოებით გამოწვეული დისკომფორტის გამო.
