დღეს დილიდან, საბერძნეთის ქალაქ პატრიში პოლიცია ოპერაცია ატარებს. მათ გაყავთ იმიგრანტები თვითნებურად აშენებული ბანაკიდან, რომელიც მათ მოაწყვეს ორ მიტოვებულ საწარმოში პორტთის მახლობლად. იუწყება ადგილობრივი გამოცემა „Patras Times“
ოპერაცია დილით დაიწყო. მასში მონაწილეობას იღებს 380 პოლიციის თანამშრომელი და 10 სპეცრაზმი.
ძველი საწარმოდან, რომელიც პორტის მახლობლადაა განლაგებული გამოაძევეს 550-ზე მეტი ადამიანი. ისინი ავტობუსებში გადაყავთ და მიგრანტთა ბანაკებში ანაწილებენ, რომელიც ქალაქ ახაიას მახლობლადაა. ოპერაციის დასრულება დღის ბოლომდეა დაგეგმილი.
ცნობისთის, უკანასკნელ თვეებში ქალაქ პატრიში სისტემატიურად ხდება შეტაკებები მიგრანტების სხვადასხვა ჯგუფებს შორის. კრიმინალური მდგომარეობა ძალზე გამძაფრებულია. რამდენიმე დღის წინ ავღანელმა ცეცხლსასროლი იარაღით მოკლა 20 წლის მისივე თანამემამულე, რასაც მოყვა არეულობა მიგრანტთა შორის. ორშაბათს მსგავსი შეტაკება განმეორდა და ქვეყნის ძალოვანმა სტრუქტურებმა მიიღეს გადაწყვეტილება, დაეშალათ მიგრანტთა თვითნებური თავშესაფარი.
