თბილისის საქალაქო სასამართლოში მიმდინარე ნარკოტიკული საშუალებების უკანონოდ გასაღების საქმის ერთ-ერთი ბრალდებული შეუძლოდ გახდა.
როგორც ადგილიდან "ჯი-ეიჩ-ენის" კორესპონდენტი იტყობინება, მოსამართლემ რამდენიმე წუთიანი შესვენება გამოაცხადა.
შესვენების შემდეგ ისევ განახლდა აღკვეთის ღონისძიებაზე მსჯელობა.
ბრალდების მხარე აღკვეთის ღონისძიების სახით 8-ვე დაკავებულის პატიმრობაში დატოვებას ითხოვს.
დაცვის მხარე კი ნაკლებად მკაცრი ღონისძიების გამოყენებას ითხოვს.
ცნობისთვის, 12 მაისს კლუბ „ბასიანში“ და კაფე „გალერიში“ სპეცოპერაცია ჩატარდა, რის შედეგადაც დაკავებულია ნარკოტიკული საშუალების გამსაღებელი 8 პირი.
