ჩვენ მხოლოდ აღკვეთი ღონისძიების სახით პატიმრობას ვითხოვთ, - ამის შესახებ ნარკოტიკული საშუალებების უკანონოდ გასაღების საქმის პროკურორმა ვახტანგ ცალუღელაშვილმა განაცხადა.
მისი თქმით, პროკურატურა აღკვეთის ღონისძიების სახით პატიმრობას ითხოვს.
"ნარკოტიკული საშუალებების რეალიზაციის ფაქტზე დაკავებული არის 8 პირი. აღნიშნული პირები ღამის კლუბებში ახდენდნენ ნარკოტიკული ნივთიერებების რეალიზებას.
რაც შეეხება დაკავების ფაქტს, ყველა პიროვნება დაკავებულია სხვადასხვა ადგილას მათ შორის, ერთი ღამის კლუბის თანამშრომელი დაკავებულია ღამის კლუბთან.
რაც შეეხება მტკიცებულებებს საქმეში მოიპოვება როგორც მოწმეთა ჩვენებები, ასევე ექსპერტიზის დასკვნები. ასევე ფარული საგამოძიებო მოქმედებების შედეგად მოპოვებული ინფორმაცია.
საქმეში ფიგურირებს 4 მოწმე. ითანამშრომლეს გამოძიებასთან. ეს ის პირებია,
რომელთაც საკონტროლო შესყიდვები განახორციელოს.
პროცესის დახურვას არ ვაპირებთ. ჩვენ მხოლოდ აღკვეთი ღონისძიების სახით პატიმრობას ვითხოვთ", - განაცხადა პროკურორმა.
