ჩვენ მოვისმინეთ კაი ქართველი მოქეიფე, თბილისელი კაცის სადღეგრძელო, - ასე ეხმიანება აქციის ერთ-ერთი ორგანიზატორი, მუსიკოსი დათა გაბუნია პრემიერ-მინისტრის განცხადებას, რომელმაც აქციის მონაწილეებს მიმართა და აღნიშნა, რომ ის იქნება სიტყვის თავისუფლების გარანტი ამ ქვეყანაში.
გაბუნია ამბობს, რომ ეს არ იყო ის, რისი მოსმენაც პრემიერისგან სურდათ. მისივე თქმით, აქცია არ დაიშლება იქამ, სანამ სასიკეთოდ არ შეიცვლება რამე და მათი მოთხოვნები არ დაკმაყოფილდება.
„ჩვენ მოვისმინეთ კაი ქართველი მოქეიფე, თბილისელი კაცის სადღეგრძელო. ეს არ არის ის რასაც აქ ველოდებით, ამდენი ხალხი, რომლებიც ვთხოვთ ერთადერთ რაღაცას. ნუ გვიფათურებთ სულში ხელებს და ნუ გვივარდებით სახლში. ეს არის ჩვენი მოთხოვნა“, - განაცხადა დათა გაბუნიამ.
