საზოგადოებრივი წესრიგის დარღვევისთვის პოლიციამ რუსთაველის გამზირზე სამი პირი ამხილა.
არსებული ინფორმაციით, სამივე მათგანს შორის ჯერ სიტყვიერი, შემდეგ კი ფიზიკური დაპირისპირება მოხდა.
პოლიციამ ისინი 166-ე მუხლით დააკავა, რაც წვრილმან ხულიგნობას გულისხმობს.
აქციის მონაწილეების ინფორმაციით, დაკავებულები აქციის მონაწილეები არ იყვნენ.
ამ დროისთვის, სამივე პირი თავისუფალია.
შეგახსენებთ, რუსთაველის გამზირზე საპროტესტო აქცია 15:00 საათზე განახლდება.
ცნობისთვის, „თეთრი ხმაურის მოძრაობის“ წევრები და მხარდამჭერები 12 მაისს კლუბ “ბასიანსა” და კლუბ “გალერიში” ჩატარებულ სპეცოპერაციას აპროტესტებენ. მათ 4 მოთხოვნა აქვთ: „პირველი - თანამდებობა დატოვოს პრემიერ-მინისტრმა გიორგი კვირიკაშვილმა; მეორე - გადადგეს შინაგან საქმეთა მინისტრი გიორგი გახარია; მესამე - დაისაჯოს ძალადობრივ ოპერაციაზე პასუხისმგებელი ყველა პირი; მეოთხე - დადგეს „ქართული ოცნების“ პოლიტიკური პასუხისმგებლობის საკითხი“.
