კლუბებში სპეცოპერაციისას დაკავებულების ადვოკატებს გაუთქმელობაზე ხელის მოწერა მოსთხოვეს
კლუბებში სპეცოპერაციისას დაკავებულების ადვოკატებს გაუთქმელობაზე ხელის მოწერა მოსთხოვეს, - აღნიშნული ინფორმაცია "ჯი-ეიჩ-ენს" თბილისის მთავარი სამმართველოდან გამოსვლის შემდეგ ერთ-ერთი დაკავებულის ადვოკატმა, გიორგი ფანცულაიამ განუცხადა. როგორც ის განმარტავს, აღნიშნულს ის არ დაეთანხმა და ხელი არ მოაწერა.
"ყველა ადვოკატთან შეეცადნენ გაუთქმელობის ვალდებულება დაედოთ,ისევე როგორ ე.წ. ციანიდის საქმეზე იყო. სხვა ადვოკატების ნაცვლად მე ვერ ვისაუბრებ, თვითონ გააკეთებენ კომენტარს. მე პირადად, შენიშვნა გავაკეთე, რომ აღნიშნულ გაუთქმელობის ვალდებულებას არ ვეთანხმები და ხელი არ მოვაწერე", - აცხადებს"ჯი-ეიჩ-ენთან" საუბარში ფანცულაია.
ის მთავარ სამმართველოში მისი დაცვის ქვეშ მყოფისთვის ბრალის წარდგენას რამდენიმე საათის განმავლობაში ესწრებოდა.
