ბატონმა ბიძინამ განმარტა სამი მიზეზი პოლიტიკაში მისი დაბრუნების, სამივე მიზანი არის ძალიან მნიშვნელოვანი და იმაზე ხაზგასმა იყო ძალიან მნიშვნელოვანი, - განაცხადა საქართველოს პარლამენტის თავმჯდომარემ ირაკლი კობახიძემ "ქართული ოცნების" ყრილობის შემდეგ გააკეთა.
„რაც შეეხება კონკრეტულად მესამე მიზანს, რომელიც დაკავშირებული იყო გაუგებრობასთან, დაპირისპირებასთან პარტიის შიგნით, მე კიდევ ერთხელ გავიმეორებ - ეს არ იყო იმ მნიშვნელობის დაპირისპირება, მხოლოდ რომლის გამოც იყო აუცილებელი ბატონი ბიძინა ივანიშვილის დაბრუნდა პოლიტიკაში. თუმცა, ეს გახდა რა თქმა უნდა, ერთ-ერთი მიზეზი და თქვენ დაინახეთ, რომ როგორც კი დაბრუნდა პოლიტიკაში ბატონი ბიძინა ივანიშვილი, იმავე დღეს მოგვარდა პრობლემები, რომელიც დაკავშირებული იყო პარტიის შიგნით გარკვეულ დაპირისპირებასთან. ეს გვაჩვენებს იმას თუ რამდენად მნიშვნელოვანია ბატონი ბიძინა ივანიშვილის წონა, რამდენად მნიშვნელოვანია მისი ნდობა, ამ მასშტაბის ნდობა და წონა ჩვენს პარტიაში არ აქვს არავის გარდა ბიძინა ივანიშვილისა, რომელიც გახდა პარტიის თავჯდომარე ”, - განაცხადა კობახიძემ.
დღეს პარტია "ქართული ოცნების" მე-5 ყრილობა გაიმართა, სადაც პარტიის თავმჯდომარედ ბიძინა ივანიშვილი აირჩიეს. ბიძინა ივანიშვილმა სიტყვით გამოსვლისას განაცხადა, რომ მისი პოლიტიკაში დაბრუნების ერთ-ერთი მიზეზი პარტიის შიგნით დაპირისპირებები გახდა.
მე ვიგრძენი, რომ ჩემ მიერ შექმნილი პარტია „ქართული ოცნება – დემოკრატიული საქართველო“, რომლის იდეოლოგიური მდგრადობა მის სახალხოობაშია, ამ პროცესების გაღრმავების შემთხვევაში დაშორდებოდა ხალხს“, – განაცხადა ბიძინა ივანიშვილმა.
