ელ-ქუვეითიდან თბილისის მიმართულებით ავიარეისის დანიშვნასთან დაკავშირებით ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ ქუვეითსა და კატარში პრეზენტაციები მოაწყო. ღონისძიებები ავიაკომპანია "Jazeera Airways-თან ერთად ქუვეთის დედალაქ ელ-ქუვეითში და კატარის დედაქალაქ დოჰაში ჩატარდა. ელ-ქუვეითში გამართულ პრეზენტაციას ადგილობრივი კომპანიების 70-მდე წარმომადგენელი დაესწრო, ხოლო დოჰაში გამართულ ღონისძიებაზე ყატარის 50-მდე წამყვანი ტურისტული კომპანიის თანამშრომელი იყო წარმოდგენილი. ორივე ღონისძიებაზე ტურიზმის ეროვნული ადმინისტრაციის საკონვენციო და საგამოფენო ბიუროს წარმომადგენელმა ამირან ივანიძემ საქართველოს შესახებ პრეზენტაცია გამართა და ქვეყნის ტურისტული პოტენციალის შესახებ ადგილობრივ ტუროპერატორებს ინფორმაცია მიაწოდა.
