ანტალიაში მდებარე ცნობილი და უმსხვილესი სავაჭრო ცენტრი MarkAntalya იყიდება. ობიექტს მისი მფლობელი თურქეთის შემნახველი ანაბრების სადაზღვეო სახელმწიფო ფონდი (TMSF) ყიდის.
სავაჭრო ცენტრის ნაციონალიზაცია 2016 წლის ოქტომბერში განხორციელდა და ის TMSF-ის საკუთრებაში გადავიდა, რადგანაც მისი წინა მფლობელი ტერორისტული ორგანიზაციის მხარდაჭერაში იყო ბრალდებული.
როგორც თურქული მედია წერს, TMSF-ი MarkAntalya-ს 1 მლრდ 278 მლნ 900 ათას ლირად ($300 მლნ) ყიდის.
არსებული ფინანსური დოკუმენტების მიხედვით, თვეში იჯარიდან MarkAntalya-ს შემოსავალი 2,5 მლნ დოლარია.
