უკრაინის უმაღლესმა სასამართლომ განაახლა სარჩელის განხილვა, საქართველოს ყოფილი პრეზიდენტის და ოდესის ყოფილი გუბერნატორის, მიხეილ სააკაშვილისთვის, მოქალაქეობის ჩამორთმევის შესახებ.
2017 წლის ივლისის ბოლოს, პეტრო პოროშენკომ ხელი მოაწერა სააკაშვილისთვის უკრაინის მოქალაქეობის შეჩერების ბრძანებას. შინაგან საქმეთა სამინისტროს კოლეგიის წევრის, ანტონ გერაშენკოს განცხადებით, სააკაშვილს მოქალაქეობა ჩამოართვეს იმ მიზეზით, რომ მისი მიღებისას მას არ წარუდგენია საკმარისი მონაცემები. კერძოდ, საქართველოში მის მიმართ ბრალდების წაყენების შესახებ. მოგვიანებით სააკაშვილმა საჩივარი შეიტანა უკრაინის სასამართლოში.
სასამართლომ განაგრძო მოწმეების დაკითხვა. კერძოდ დაკითხა უკრაინის სახელმწიფო მიგრაციის სამსახურის უფროსი მაქსიმ სოკოლიუკი.
მანამდე, უკრაინის უზენაესმა სასამართლომ ნაწილობრივ დააკმაყოფილა სააკაშვილის ადვოკატის შუამდგომლობა მოწმეების დაკითხვის შესახებ. კერძოდ, იქნა მიღწეული თანხმობა, სასამართლო სხდომის ფარგლებში, უკრაინის სახელმწიფო მიგრაციული სამსახურის რიგ თანამშრომლებთან, რომლებიც აწარმოებდნენ სააკაშვილის მოქალაქეობის ჩამორთმევის საქმეს.
ამის მიუხედავად სასამართლომ უარი თქვა პოროშენკოსა და სააკაშვილის დაკითხვაზე, რომელიც უკრაინიდან დეპორტაციის შემდგომ ჰოლანდიაში იმყოფება. ასევე სასამართლომ უარი თქვა დაეკითხა მოქალაქეობის კომისიის წევრები, რომლებიც მონაწილეობდნენ სააკაშვილისთვის მოქალაქეობის ჩამორთმევის განხილვის საკითხზე.
