საფრანგეთის ეკონომიკისა და ფინანსთა მინისტრმა, ბრუნო ლე მერმა განაცხადა, რომ განიხილა თავის ამერიკელ კოლეგასთან, სტივენ მნუჩინთან დებულება ევროპული და ფრანგული კომპანიებისთვის, რომლებიც მუშაობენ ირანთან, სანქციების გამონაკლისი შემთხვევების შესახებ, რომელსაც ამერიკის ადმინისტრაცია აპირებს განაახლოს თეირანთან მიმართებაში, ირანის ბირთვული გარიგებიდან გასვლის შემდგომ.
პრეზიდენტმა დონალდ ტრამპმა სამშაბათს განაცხადა, რომ ის გადიოდა ირანის ბირთვული მოლაპარაკებებიდან, რომელიც მიღწეული იყო ექვსი საერთაშორისო მედიატორი ქვეყნის მიერ (აშშ, ბრიტანეთი, ჩინეთი, საფრანგეთი, გერმანია და რუსეთი) 2015 წელს.
გარდა ამისა, ტრამპს სურს აღადგინოს ყველა სანქცია, რომლის მოქმედებაც შეჩერებული იყო, როგორც შედეგი მიღწეული შეთანხმებისას.
მანამდე ცნობილი გახდა, რომ აშშ-ს გამოსვლა შეთანხმებიდან ნეგატიურ გავლენას მოახდენდა უმსხვილესი ევროპული კომპანიების ბიზნეს საქმიანობაზე. რომელთა შორისაა ისეთი კომპანიები როგორიცაა - Airbus; Siemens; Peugeot-Citroen; Renault; Total; Eni; Danieli და სხვა.
„რამდენიმე დღის წინ მე დავუკავშირდი ჩემს ამერიკელ კოლეგას, სტივენ მნუჩინს და ვკითხე, რამდენად ეწინააღმდეგება ეს გადაწყვეტილება იმას, რაც ჩვენ გვინდა ავაშენოთ ჩვენს ამერიკულ პარტნიორებთან. მე ასევე შევთავაზე გამონაკლისები რიგი კომპანიების მიმართ“ - აცხადებს საფრანგეთის ფინანსთა მინისტრი.
მან მოუწოდა ევროპას, არ იყვნენ ამერიკის ვასალები.
„ვინ გვინდა რომ ჩვენ ვიყოთ? გვინდა ვიყოთ ვასალები, რომელბიც ემორჩილებიან გადაწყვეტილებებს, რომელსაც აშშ იღებს? გვინდა რომ აშშ გახდეს ეკონომიკური ჟანდარმი პლანეტაზე? მე მიმაჩნია, რომ დადგა დრო, ყველა ევროპულმა ქვეყანამ თვალი გაახილოს. ჩვენ უნდა ვიმოქმედოთ ერთდროულად. იმ მიზნით, რომ დავიცვათ ჩვენი ეკონომიკური სუვერენიტეტი“ - დასძინა ბრუნო ლე მერმა.
