11 მაისს, 12:00 საათზე ტექნოპარკში, ინოვაციების ქ. 7-ში, გაიმართება პრესკონფერენცია, რომელზეც სარეკლამო სფეროს ყველაზე მასშტაბური ფესტივალის - Cannes Lions 2018-ის ადგილობრივი ახალგაზრდული შესარჩევი კონკურსი, Young Lions Georgia აიღებს სათავეს. კონკურსი სამი დღის განმავლობაში 11, 12 და 13 მაისს გაგრძელდება.
გამარჯვებული გუნდები ორგანიზატორების დაფინანსებით გაემგზავრებიან საფრანგეთში კანის კრეატიულ ფესტივალზე და საქართველოს სახელით შეებრძოლებიან მსოფლიოს სხვა საუკეთესო მეტოქეებს ინდუსტრიის ერთ-ერთი ყველაზე პრესტიჟული ჯილდოსთვის.
