სირიის პრეზიდენტმა, ბაშარ ასადმა ბერძნულ გაზეთთან მიცემულ ინტერვიუში განაცხადა, რომ სირიის ომის შედეგად ზარალის აღსადგენად აუცილებელია 200-დან 400 მილიარდამდე დოლარი.
"ასობით მილიარდი. მინიმუმ 200 მილიარდი დოლარი იქნება საჭირო. ზოგიერთი შეფასების თანახმად საჭიროა 400 მილიარდამდეც“ - უპასუხა სირიის პრეზიდენტმა კითხვაზე თუ რა თანხა იქნებოდა საჭირო ქვეყნის აღსადგენად.
"რატომ არის თანხა არაზუსტი? იმიტომ რომ ზოგიერთი რაიონი ჯერ კიდევ ტერორისტების კონტროლის ქვეშ იმყოფება. ეს ასე ვთქვათ სავარაუდო თანხაა“ - დასძინა მან.
ბევრმა დასავლურმა ქვეყანამ არაერთხელ განაცხადა, რომ არ აპირებდნენ ფინანსური დახმარება გაეწიათ სირიის აღდგენისთვის, ვიდრე რეგიონში არ დაიწყებოდა პოლიტიკური სიტუაციის დარეგულირება.
