პოლიციამ უკრაინაში ფაშიზმზე გამარჯვების დღისადმი მიძღვნილ ღონისძიებაზე დარღვევებისთვის 25 ადამიანი დააკავა. მათგან 24-მა მოქალაქემ დაარღვია აკრძალვა, საბჭოთა სიმბოლიკის გამოყენების შესახებ. ხოლო ერთი მათგანი იყო ნაციონალისტი, რომელმაც დაარღვია საზოგადოებრივი წესრიგი. განაცხადა უკრაინის შს მინისტრის მოადგილემ სერგეი იაროვოიმ.
"დააკავებულია და შედგენილია ოქმები 10 პირზე, აკრძალული სიმბოლიკის დამზადებისა და გამოყენებისათვის. გარდა ამისა, ვიღებთ გადაწყვეტილებას 14 პირის მიმართ პროტოკოლის შედგენაზე. ასევე დაკავებულია ეროვნულ-სოციალური ორგანიზაცია C14-ის ხელმძღვანელი“ - განაცხადა მინისტრის მოადგილემ ბრიფინგის დროს.
მან დააზუსტა, რომ დაკავებულთა შორის არის კიევში აქცია - „უკვდავი პოლკის“ ერთ-ერთი ორგანიზატორი ელენა ბერეჟნაია, რომელზეც უკვე შედგენილია პროტოკოლი. მას ფულადი ჯარიმა დაეკისრება.
იაროვოიმ ასევე დასძინა, რომ C14-ის ლიდერი დაკავებულია ქალაქის ქონების დაზიანების ბრალდებით და ასევე დაეკისრება ადმინისტრაციული პასუხისმგებლობა.
