სირიის სამთავრობო მედიაში გავრცელდა ინფორმაცია, რომ ისრაელმა სამშაბათს განახორციელა საჰაერო დარტყმა ქალაქ ალ-კისვას სამხედრო ბაზაზე. ის განლაგებულია დამასკოს სამხრეთ ნაწილში, დაახლოებით 50 კილომეტრის მოშორებით ისრაელის საზღვრიდან.
სააგენტო იუწყება, რომ სირიის საჰაერო თავდაცვის ძალებმა ორი ისრაელის რაკეტა ჩამოაგდო.
ოფიციალური მედია არ იტყობინება დაბომბვის შედეგად მსხვერპლის თაობაზე, თუმცა ბრიტანეთში განლაგებული ცენტრი, სირიაში ადამიანის უფლებების მონიტორინგის შესახებ, ამტკიცებს, რომ გარდაცვლილია სულ მცირე ცხრა ადამიანი.
ორგანიზაციაზე დაყრდნობით, გარდაცვლილთა შორის არიან ირანის ისლამური რევოლუციის სასაზღვრო კორპუსის ჯარისკაცები და შიიტი პოლიციელები.
