თურქეთის პრეზიდენტმა, რეჯეფ თაიფ ერდოღანმა, აშშ ირანის ბირთვული გარიგებიდან გამოსვლის გამო გააკრიტიკა და ვაშინგტონს წაგებული მხარე უწოდა.
"წაგებული მხარე იქნება აშშ, რომელმაც უარი თქვა შეთანხმებაზე - ციტირებს სააგენტო „Anadolu“ ერდოღანის სიტყვებს.
მან ხაზი გაუზვა საერთაშორისო მოლაპარაკებებში არასერიოზული ურთიერთობების დაუშვებლობას. „არ შეიძლება სურვილის მიხედვით გახვიდე შეთანხმებიდან ან შეცვალო მისი პირობები“ - აცხადებს ერდოღანი.
ცნობისთვის, აშშ-ს პრეზიდენტმა, დონალდ ტრამპმა სამშაბათს განაცხადა, რომ აშშ გადის ირანის ბირთვული პროგრამის შეთანხმებიდან, რომელიც მიღწეული იყო ექვსი საერთაშორისო ქვეყნის (აშშ, დიდი ბრიტანეთი, ჩინეთი, საფრანგეთი, გერმანია, რუსეთი) შუამავლობით 2015 წელს. გარდა ამისა, პრეზიდენტმა განაცხადა აღადგინოს ყველა ის სანქცია, რომლის მოქმედებაც შეჩერებული იყო გარიგების მიღწევის შედეგად.
ტრამპი ჯერ კიდევ პრეზიდენტად არჩევამდე აკრიტიკებდა შეთანხმებას და მას "ყველაზე ცუდ გარიგებას“ უწოდებდა. იგი არ გამორიცხავდა შეთანხმებიდან გამოსვლას, თუკი არ „გამოსწორდებოდა" შეთანხმების პირობები.
