საქართველოს სხვადასხვა კუთხის შესაძლებლობების განვითარების მიზნით, TRAVELINGEORGIA.GE რეგიონალურ პლატფორმებს ქმნის, მათ შორის, პირველი ტურისტული ვებ-გვერდი - TRAVELINKAKHETI.COM -ია.
პლატფორმის პრეზენტაცია სიღნაღსა და თელავში გაიმართა, რასაც ესწრებოდნენ კახეთის რეგიონში სასტუმროების, რესტორნებისა და ღვინის მარნების მფლობელები.
შეხვედრაზე მოსული სტუმრები ტურიზმის განვითარების საინიციატივო საზოგადოების რეგიონულ სტრატეგიასა და ახალი პლატფორმის შესაძლებლობებს გაეცნენ, ასევე, შეხვედრაზე განხილული იყო კახეთის რეგიონში არსებული ტურისტული პრობლემები, საჭიროებები, ტენდენციები და გამოწვევები.
TRAVELINGEORGIA.GE 7 წლის განმავლობაში ქართველ და უცხოელ ტურისტებს აწვდის ინფორმაციას საქართველოს ყველა კუთხისა და მათი ტურისტული პოტენციალის შესახებ.
„საქართველოს ტურისტული შესაძლებლობების აღმოჩენა, უკვე არსებულის პოპულარიზაცია, ტურისტული ადგილმდებარეობისა და კომპანიების მონაცემების შეგროვება და მათი საინვესტიციო შესაძლებლობების განსაზღვრა. სწორედ ამ მიზნების ირგვლივ არის გაერთიანებული, როგორც თრეველ ინ ჯორჯია, ასევე - თრეველ ინ კახეთიც. გადავწყვიტეთ პირველი რეგიონალური პლატფორმა კახეთში აგვემუშავებინა, შესაბამისად, შევხვდით რეგიონის წარმომადგენლებს, სადაც ვისაუბრეთ ჩვენს უპირატესობებსა და შესაძლებლობებზე, გავეცანით მათ პრობლემებს, მოთხოვნებსა და საჭიროებებს, ზოგადად, განვიხილეთ ტურიზმის ტენდენციები. პლატფორმის გაშვებამდე ჩვენ გამოვკითხეთ 1,000 მეტი პარტნიორი კომპანია და მათი ძირითადი პრობლემა სწორედ რომ ინფორმაციის ნაკლებობა იყო, სწორედ ამიტომ, ჩვენი პლატფორმა უზრუნველყოფს რეგიონის ყველა ტურისტული ადგილდებარეობისა და ობიექტის პოპულარიზაციას. ეს ჩვენი პირველი რეგიონული პლატფორმაა, ვაპირებთ ავამუშავოთ სხვა რეგიონებიც, მაგ. TRAVEL IN IMERETI ; TRAVEL IN ADJARA ; TRAVEL IN GURIA და სხვა“, აღნიშნა „ტურიზმის განვითარების საინიციატივო საზოგადოების“ დამფუძნებელმა გიორგი კვეზერელმა.
შეხვედრას სასტუმრო ფიროსმანმა და სასტუმრო ალაზნის ველმა უმასპინძლა.
