მარნეულის მუნიციპალიტეტის სოფელ სეიდ გოჯალოში 21 წლის მამაკაცი მდინარე დებედას ნაპირზე გარდაცვლილი იპოვეს.
მოკლული ახალგაზრდა აღნიშნული სოფლის მცხოვრებია და ცხედარი მდინარის პირზე გუშინ ნახეს.
თუ რა გახდა ახალგაზრდა მამაკაცის მკვლელობის მიზეზი, ამ დროისთვის უცნობია.
როგორც „ჯი-ეიჩ-ენს“ შსს-ში განუცხადეს, ჩატარდა შესაბამისი ექსპერტიზები და მიმდინარეობს ინტენსიური საგამოძიებო მოქმედებები.
მომხდართან დაკავშირებით ძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობას და იარაღის უკანონოდ შეძენა-შენახვა-ტარებას გულისხმობს.
