"ქართული ოცნება" პრეზიდენტობის კანდიდატს ივლის-აგვისტოში დაასახელებს. ამის შესახებ განცხადება დღეს პარლამენტში ჟურნალისტებთან საპარლამენტო უმრავლესობის ლიდერმა არჩილ თალაკვაძემ გააკეთა.
მისი შეფასებით, კანდიდატის დასახელება არანაირად არ არის დაგვიანებული და ეს დრო მმართვლ პარტიას ღირსეული კანდიდატის შესარჩევად სჭირდება.
„ქართული ოცნების საპრეზიდენტო კანდიდატურასთან დაკავშირებით, ჩვენი პარტიის შიგნით კონსულტაციები დაწყებულია. ჩვენ კანდიდატურას წარვადგენთ ივლისის ბოლოს, აგვისტოს დასაწყისში, ქართული ოცნების კანდიდატი იქნება ღირსეული, გამარჯვების მაღალი შანსებით. თუ რა კონსულტაციები, ვის კანდიდატურასთან დაკავშირებით მიმდინარეობს, ამ ეტაპზე რა თქმა უნდა კომენტარს არ გავაკეთებ", - აცხადებს თალაკვაძე.
