ძიუდოს ნაკრების წევრები საქართველოს კულტურისა და სპორტის მინისტრ მიხეილ გიორგაძეს შეხვდებიან. ისინი შეხვედრაზე მინისტრს თავიანთ პოზიციებს გააცნობენ.
სამინისტროსთან შეკრებილ ძიუდოისტებს სურთ, ძიუდოს ფედერაციის პრეზიდენტმა, დავით ქევხიშვილმა თანამდებობა დატოვოს. თავად ქევხიშვილი კი, აღნიშნულ შეხვედრას, რომელიც სამინისტროში გაიმართება, არ დაესწრება.
ძიუდოისტების განცხადებით, მათ წინაშე უამრავი პრობლემაა, რომელსაც ფედერაციის პრეზიდენტი ვერ უმკლავდება. ისინი 10 მაისს დაგეგმილ ყრილობამდე ქვეხიშვილისგან თანამდებობის დატოვებას ითხოვენ.
