სომხეთის მმართველი რესპუბლიკური პარტია, მზადაა ოპოზიციაში გადავიდეს იმ შემთხვევაში, თუკი ნიკოლ ფაშინიანი არჩეული იქნება პრემიერის თანამდებობაზე. განაცხადა ფრაქციის ლიდერმა ვაგრამ ბაგდასარიანმა.
„ის ვინც ერთვება პოლიტიკაში, იმ მიზნით რომ დარჩეს ხელისუფლებაში სამუდამოდ, ამას აკეთებს მხოლოდ ინტერესებიდან გამომდინარე. არ არსებობს არანაირი გარანტია იმისა, თუ საით იქნება პოლიტიკური ძალა - ხელისუფლებაში თუ ოპოზიციაში. ბუნებრივია ჩვენ მზად ვართ ვიყოთ ოპოზიციაში“ - განუცხადა ბაგდასარიანმა ჟურნალისტებს.
ამასთან მან დასძინა, რომ სომხეთის რესპუბლიკური პარტია არასდროს შექმნის დაბრკოლებებს ქვეყნის მომავალი ინტერესებისა და უსაფრთხოებისათვის.
"ჩვენი ოპონენტებისგან განსხვავებით, ჩვენ მზად ვართ დავინახოთ დადებითი და გავაკრიტიკოთ უარყოფითი, შეგვიძლია მოვუწოდოთ დიალოგისკენ პრობლემების გადასაჭრელად".
ცნობისთვის, 8 მაისს ჩატარდება მეორე ტური პრემიერ-მინისტრის არჩევნების. ერთადერთი კანდიდატი - ფაშინიანი, რომელიც წამოყენებული იყო ფრაქცია „იელქის“, „ბლოკი ცარუკიანის“და „დაშნაკცუთუნის“ მიერ, 1 მაისს არ აირჩიეს. მან 45 ხმა დააგროვა საჭირო 53-ის ნაცვლად.
