ჩინეთის სამართალდამცავმა ორგანოებმა დააკავეს ქალბატონი, რომელმაც მილიონები დახარჯა იმისთვის რომ 118 უპატრონო ბავშვი ეშვილა.
გარდა ამისა, ხელისუფლებამ დახურა მისი კერძო საბავშვო ბაღიც. ლი ლიზუანმა პირველი შვილი 1996 წელს იშვილა, თუმცა ვერ შეძლო შეჩერება და სხვა ბავშვებზე პასუხისმგებლობის აღების სურვილით, 2007 წელს დააარსა კერძო თავშესაფარი „სიყვარულის სოფელი“. ჯამში მან შეიფარა 118 ბავშვი უპატრონო ბავშვთა სახლებიდან. რის გამოც ის ცნობილი გახდა მთელი ქვეყნის მასშტაბით.
გაზეთ Global Times-ის ინფორმაციით, მას შემდეგ რაც მოიპოვა დიდი გამოხმაურება, ლი ლიზუანმა დაიწყო ქველმოქმედების საკუთარი ინტერესებისთვის გამოყენება.
მან მიიღო დიდი რაოდენობით თანხა სახელმწიფო ბიუჯეტიდან. ასევე ეხმარებოდნენ ქველმოქმედები მსოფლიოს მასშტაბით.
ჩინეთის საგამოძიებო კომიტეტი მას ბავშვთა მხარდასაჭერად გამოყოფილი თანხების მითვისებაში, ასევე ადგილობრივი ხელისუფლების წარმომადგენელთა დაშინებისთვის ადანაშაულებს..
თაღლითობის დროს, ქალმა სხვადასხვა კომპანიებს 370 000 იუანი გამოსძალა, რაც დაახლოებით 58 000 დოლარია.
ასევე დადგინდა, რომ დარეგისტრირებული სახელებიდან, რომელბიც თითქოსდა ცხოვრობდნენ თავშესაფარში, აღმოჩნდნენ ბავშვები, რომლებიც სინამდვიელში თავიანთი მშობლების მფარველობის ქვეშ ცხოვრობდნენ საკუთარ სახლებში.
ხელისუფლებამ თავშესაფარიდან მხოლოდ 74 ბავშვი გამოიყვანა, რადგან დანარჩენი ე.წ. „მკვდარი სულები“ აღმოჩნდნენ.
