ოზურგეთის რაიონის სოფელ ლიხაურში, 47 წლის მამაკაცის ცხედარი იპოვეს. გარდაცვლილს ოჯახი ორი დღის განმავლობაში ეძებდა, დღეს დილით კი, მამაკაცის ცხედარს მდინარე აჭში მიაკვლიეს. ცხედარი მისმა ძმამ და ბიძაშვილმა იპოვეს.
შინაგან საქმეთა სამინისტროში აცხადებენ, რომ გარდაცვლილ მამაკაცს ძალადობის ნიშნები არ აღენიშნება. გამოძიება სისხლის სამართლის კოდექსის 115-ე მუხლით აღიძრა, რაც თვითმკვლელობამდე მიყვანას გულისხმობს.
