საქართველოს მართლმადიდებელი ეკლესიის პატრიარქის ილია მეორეს შესახებ ბიოგრაფიული 4-ტომეული 499 ლარი ღირს.
ინფორმაციის გადასამოწმებლად „ჯი-ეიჩ-ენი“ წიგნების მაღაზია „ბიბლუსს“ დაუკავშირდა. წიგნების მაღაზიაში დაგვიდასტურეს, რომ აღნიშნული 4-ტომეულის ფასი ნამდვილად 499 ლარია.
4-ტომეულში წარმოდგენილია ილია მეორეს წერილები, ჩანაწერები, ფოტოები და საპატრიარქოში დაცული საარქივო მასალა.
“წიგნები დაბეჭდილია სპეციალურ ქაღალდზე, ჩასმულია ტყავის ყდაში და მოთავსებულია ტყავის ხელნაკეთ ყუთში. ყუთი, წიგნების ყდა და გვერდების კიდეები მოოქრულია”, - ვკითხულობთ წიგნის შესახებ საინფორმაციო ბუკლეტში.
