აშშ-ს პრეზიდენტი დონალდ ტრტამპი, 22 მაისს თეთრ სახლში სამხრეთ კორეის პრეზიდენტს, მუნ ჩე ინს მიიღებს. ამის შესახებ თეთრი სახლის პრეს-სამსახური იუწყება.
როგორც აღნიშულია, ეს შეხვედრა "ხაზს უსვამს აშშ-ს და სამხრეთ-კორეის ალიანსის ძლიერებას და ორ ქვეყანას შორის მეგობრობას. ლიდერები ასევე განიხილავენ პრეზიდენტ ტრამპსა და ჩრდილოეთ კორეის ლიდერს კიმ ჩენ ინს შორის დაგეგმილ შეხვედრას", - ნათქვამია დოკუმენტში.
ამ ეტაპზე ვაშინგტონი და ფხენიანი განაგრძობენ ორი ქვეყნის ლიდერების შეხვედრის დეტალებს.
მანამდე, თეთრი სახლის ხელმძღვანელმა განაცხადა, რომ სამიტი შეიძლება გაიმართოს ფხანმუნჯომის სასაზღვრო პუნქტში, კორეის სახალხო დემოკრატიული რესპუბლიკის და კორეის რესპუბლიკის დემილიტარიზებულ ზონაში, 3-4 კვირის შემდეგ.
ცნობისთვის ფხანმუნჯომში 27 აპრილს შედგა შეხვედრა ჩრდილოეთ კორეის ლიდერს კიმ ჩენ ინსა და სამხრეთ კორეის ლიდერ მუნ ჩე ინს შორის.
