სახელმწიფო უსაფრთხოების სამსახურის უფროსმა ვახტანგ გომელაურმა სახალხო დამცველთან, ნინო ლომჯარიასთან პირველი სამუშაო შეხვედრა გამართა.
შეხვედრაზე მხარეებმა იმსჯელეს სახალხო დამცველის ანგარიშში სახელმწიფო უსაფრთხოების სამსახურის მიმართ არსებულ რეკომენდაციებზე.
სუს-ის უფროსმა სახალხო დამცველს სახელმწიფო უსაფრთხოების სამსახურის საქმიანობის ძირითადი მიმართულებები და პრიორიტებები გააცნო. ვახტანგ გომელაურმა და ნინო ლომჯარიამ ურთიერთთანამშრომლობის საკითხები განიხილეს და სამომავლო გეგმებზე ისაუბრეს.
შეხვედრას ესწრებოდნენ სუს-ის უფროსის მოადგილეები ალექსანდრე ტაბატაძე, გიორგი ლილუაშვილი, ადმინისტრაციის უფროსი ნინო გიორგობიანი, სახალხო დამცველის მოადგილეები: თამარ გვარამაძე, გიორგი ბურჯანაძე და ეკატერინე სხილაძე.
