საქართველოს სავაჭრო-სამრეწველო პალატა პროფესიული განათლების რეფორმის შესახებ ცნობიერების ამაღლების მიზნით რეგიონებში შეხვედრებს მართავს. შესაბამისი ღონისძიებები უკვე გაიმართა ოზურგეთში, ზუგდიდში, გორსა და ქუთაისში, რომლებსაც ადგილობრივი ბიზნეს-სექტორის წარმომადგენლები ესწრებოდნენ. შეხვედრის ფარგლებში გაკეთდა პრეზენტაციები პროფესიული განათლების რეფორმისა და სამუშაოზე დაფუძნებული სწავლების განვითარების საკითხში საქართველოს სავაჭრო-სამრეწველო პალატის ჩართულობის შესახებ.
მსგავსი ხვალ ასევე ბათუმში გაიმართება. ღონისძიებების მიზანი პროფესიული განათლების რეფორმისა და სამუშაოზე დაფუძნებული სწავლების შესახებ რეგიონულ ბიზნესში ცნობიერების ამაღლებაა.
საქართველოს სავაჭრო-სამრეწველო პალატა პროფესიული განათლების სისტემის განვითარების მიმართულებით აქტიურად მუშაობს. სამუშაოზე დაფუძნებული სწავლების პროცესის ეფექტიანად კოორდინირებისთვის და დუალური განათლების პოპულარიზაციისთვის პალატა ჰქმნის საჯარო-კერძო დიალოგის პლატფორმას.
შეხვედრებში საქართველოს სავაჭრო-სამრეწველო პალატის ექსპერტებთან ერთად განათლებისა და მეცნიერების სამინისტროს წარმომადგენლებიც არიან ჩართულნი.
(NS)
